Laktoran^®

Qoʻllash boʻyicha tavsiyalar

LAKTORAN® probiotiklari organizm uchun foydali bifido- va laktobakteriyalardan iborat.

Disbakteriozda, oshqozon-ichak trakti faoliyati buzilganda organizmdagi bakterial muvozanatni tiklash uchun qoʻllang. Ichak mikroflorasining normal holatini tiklashga yordam beradi, K vitamini sintezini yaxshilaydi, kasallik qoʻzgʻatuvchi bakteriyalar va viruslarning organizmga kirishiga toʻsqinlik qiladi, oshqozon-ichak trakti faoliyatini meʼyorlashtiradi. Immun himoya mexanizmlarida, toksinlarni zararsizlantirishda muhim rol oʻynaydi.

Tarkibi (qoʻllash boʻyicha yoʻriqnoma asosida)

Sashe va flakonlar uchun: bifido- va laktobakteriyalar kompleksi, 0,8 g li sashe va 0,8 g li flakonda KHB 1×10⁸ dan kam emas.

Kapsulalar uchun: bifido- va laktobakteriyalar kompleksi, 0,4 g li kapsulada KHB 1×10⁹ dan kam emas.

Qoʻllash usuli va dozalari (qoʻllash boʻyicha yoʻriqnoma asosida)

Emizikli bolalarga emizish vaqtida sashe yoki flakon sigʻindisini koʻkrak suti yoki bolalar ovqati bilan aralashtirib beriladi. Katta yoshli bolalarga va kattalarga sashe yoki flakon shaklidagi Laktoran 10–30 ml qaynatilgan va xona haroratigacha sovutilgan suv bilan aralashtiriladi. Ovqatlanish vaqtida qabul qilinsin.

• 6 oygacha boʻlgan bolalarga — 1 sashe (flakon) dan kuniga 1 marta;
• 6 oydan 3 yoshgacha boʻlgan bolalarga — 1 sashe (flakon) dan kuniga 2 marta;
• 3 yoshdan 7 yoshgacha boʻlgan bolalarga — 1 sashe (flakon) dan kuniga 3 marta;
• 7 yoshdan katta bolalarga va kattalarga — 2 sashe (flakon yoki kapsula) dan kuniga 2–3 marta.

Qabul qilish davomiyligi 15–30 kunni tashkil qiladi.

Chiqarilish shakli (qoʻllash boʻyicha yoʻriqnoma asosida)

0,8 g li sashe; 0,4 g li kapsulalar; 0,8 g li plastik flakonlar.

Saqlash sharoitlari va yaroqlilik muddati (qoʻllash boʻyicha yoʻriqnoma asosida)

+25 °C dan yuqori boʻlmagan haroratda va havoning nisbiy namligi 70% dan oshmagan holda saqlang. Bolalar ololmaydigan joyda saqlang.

Yaroqlilik muddati: 2 yil.